Үслэг, өхөөрдөм найздаа нэр өгнө гэдэг хамгийн том асуудал билээ. Нэг л нэр өгчихвөл насан туршид нь тэр нэрээр нь дуудах учраас мэдээж сайн бодох хэрэгтэй . Харин ямар нэр өгсөн нь таны зан чанарыг тодорхойлж байдгийг мэдэх үү?
Хоолны нэр
Хэрвээ та тэжээвэр амьтандаа хоолны нэр өгсөн бол та хоолонд үнэхээр дуртай бололтой. Хоол нь хүнд өөдрөг, эерэг сэтгэгдэл төрүүлдэг. Та хэзээ ч амьдралд яардаггүй ба алгуурхан үздэг нэгэн. Мөн хүмүүстэй ярилцаж харилцаа тогтоох нь таны хувьд чухал зүйл.
Хүний нэр
Хэрвээ та тэжээвэр амьтандаа хүний нэр өгсөн бол энэ нь таныг амьтнаа хүндэтгэдгийг илэрхийлдэг байна. Түүнийг яг л хүн шиг үзэж, гэр бүлийн гишүүн мэт хайрладгийг тодорхойлдог.
Та бол ямар ч хүнийг, ямар ч амьтныг адилхан хайрладаг нэгэн. Юмыг ажиглахдаа сайн бөгөөд хүмүүс таны үнэн ч зан, өөдрөг сэтгэлгээг хүндэлдэг.
Түүхэн эсвэл домогт гардаг нэр
Хэрвээ та тэжээвэр амьтандаа түүхэн эсвэл домогт гардаг нэр өгсөн бол та ном уншиж, олон зүйл сурах дуртай хүн юм. Та болгоомжтой, ухаалаг нэгэн бөгөөд төлөвлөгөө гаргаж байж урагш хөдөлдөг.
Амьтны нэр
Хэрвээ та тэжээвэр амьтандаа баавгай, бар, панда гэх мэт нэр өгсөн бол та юмсыг байгаагаар нь хүлээж авдаг реалист үзэлтэй хүн юм. Байгалийн үзэсгэлэнд дурлаж, гадуур зугаалж, спортоор хичээллэх дуртай.
Хэргэм зэрэг
Хэрвээ та тэжээвэр амьтандаа гүнж, ханхүү, хаан, хатан гэх мэт нэр өгсөн бол та зөөлөн сэтгэлтэй нэгэн. Мөн өөрт байгаа бүх зүйлдээ бахархаж сэтгэл дүүрэн амьдардаг.
Зохиомол нэр
Хэрвээ та тэжээвэр амьтандаа зохиомол нэр өгсөн бол та ном эсвэл киноны улаан хорхойтон. Та өөрөө мэдлэгтэй чадварлаг хүмүүст дуртай учраас амьтнаа ч тийм нэрээр нэрлэдэг.
