Судалгаагаар тухайн хүний төрсөн сар болон улирал нь өөрийнх нь зан чанар, чадварыг тодорхойлж байдаг гэжээ. Үүнийг үнэн эсэхийг батлахын тулд та доорх саруудаас өөрийнхөө хэсгийг уншаад үзээрэй.
1-р сар
Хэрвээ та 1-р сард төрсөн бол шинэ жилийн эхний сар буюу өвөл төржээ. Энэ сар төрсөн хүмүүс карьераа ихэвчлэн эрүүл мэндийн салбарт эсвэл спорт тамирчин болдог. Мөн сэтгэн бодох чадвар өндөртэй бөгөөд алдар нэрд хүрдэг. Эрүүл мэндийн хувьд бусдаас илүү чийрэг өвчин тусах магадлал багатай байдаг.
2-р сар
2-р сард төрөгсөд амьдрал болон сонгосон карьердаа жаргалтай байдаг. Энэ сар нь бүтээлч байдлыг билэгддэг ба уран зураг, артист мэргэжилтэй болох магадлалтай. Эрүүл мэндийн хувьд ихэнх өвчнөөс дархлагдсан байдаг.
3-р сар
3-р сараас эхлэн нарлаг өдрүүд эхэлдэг ба уг сард сэтгэлийн хөөрөл өндөртэй, өөдрөг, жаргалаар дүүрэн хүмүүс байдаг. Харин эрүүл мэндийн хувьд 3-р сард төрөгсөд зүрх судасны асуудлаа хянаж байх шаардлагатай.
4-р сар
4-р сард төрсөн хүмүүс бусдыг бодвол хамаагүй илүү өөдрөг сэтгэлгээтэй байдаг. Карьерын хувьд маш олон боломжууд олдох бөгөөд дуртайгаа сонгочихдог. Эрүүл мэндийн асуудал бараг л үүсдэггүй, маш сайн хамгаалалттай байдаг.
5-р сар
Хэрвээ та 5-р сард төрсөн бол өөрийгөө азтайд тооцоорой. Учир нь та байгалиас заяасан өөдрөг хүн. Таны карьерын сонголт маш олон байх учир ганц карьер дээр тогтдоггүй. Эрүүл мэндийн хувьд мөн адил өвчин тусдаггүй бөгөөд өөдрөг сэтгэлгээ нь тэднийг сэтгэл гутралаас авардаг.
6-р сар
Өмнөх сарууд шиг өөдрөг сэтгэлгээ тэдэнд байгаа ч заримдаа ааш зан нь хаврын тэнгэр шиг өөрчлөгддөг. Мөн уг сард төрөгсдийн сургуульд орох хүсэлт буцаагдаад байх талтай байдаг. Тэгсэн хэдий ч амжилтад хүрч чаддаг. Эрүүл мэндийн хувьд амьсгалын зам болон зүрх судасны бага зэргийн асуудалтай байж болно.
7-р сар
Судалгаанаас үзхэд 7-р сард төрсөн хүмүүс өөрийнхөө дотоод сэтгэл хөөрөл болон түрэмгийллээ хянаж зохицуулж чаддаг. Уран сайхан, урлагийн талдаа авъяастай ба солгой гараараа бичдэг байх магадлалтай. Эрүүл мэндийн хувьд маш сайн хамгаалагдсан байдаг.
8-р сар
8-р сард төрсөн хүмүүс академик амжилт багатай ч тоондоо сайн. 16 жил хуримтлуулсан судалгаанаас үзвэл ихэнх хүмүүс 8-р сард төрсөн байдаг ба өөдрөг сэтгэлгээтэй, өөрөөсөө эерэг энерги ялгаруулдаг.
9-р сар
Намрын улиралд төрсөн хүмүүс сэтгэл гутралын түвшин багатай байдаг. Харин 9-р сард төрсөн хүмүүс сэтгэл гутралтай тэмцэж спортын амжилт гаргах чадалтай.
10-р сар
Яг л өмнөх сар шиг 10-р сард төрсөн хүмүүс спортд гарамгай байдаг. Намрын улирал төрсөн хүн өндөр байдаг бол 10-р сард төрсөн хүн бүр өндөр байх магадлалтай.
11-р сар
11-р сард төрсөн хүмүүс сэтгэл гутралд орох магадлал багатай бөгөөд анхаарлаа дээд зэргээр төвлөрүүлж чаддаг. Энэ нь ирээдүйд амжилтад хүрэх түлхүүр байж болох юм.
12-р сар
Хэрвээ та 12-р сард төрсөн бол хамгийн ховор хүмүүсийн нэг юм. Зан чанарын хувьд зун төрсөн хүмүүсээс илүү тогтмол байдаг. Мөн судалгаанаас үзхэд та 105 хүртэл удаан наслах боломжтой юм.
