Ихэнх охид бүсгүйчүүд өөрийн романтик харилцаанд итгэл тааруу байдаг. Өмнөх хайрын харилцаа нь муухан эсвэл өөртөө итгэлгүй байгаа учраас хамтрагчдаа үргэлж эргэлздэг. Та өөрийн хамтрагчаа гаднаас нь дүгнэж үнэхээр хайртай үгүйг нь мэдмээр байвал дараах зөвлөгөөг тогтоогоод аваарай
Хайртай: Харц салгалгүй ширтсээр байдаг
Ихэнх хайрын дууны үгийг анзаарвал харц салгаж чадахгүй гэх утгатай байдаг. Энэ нь ч үнэний ортой. Таныг хоол хийж байсан ч, гэрээ цэвэрлэж байсан ч түүний нүдэнд инээмсэглэл тодорч харц салгаж чадахгүй байвал үнэхээр танд хайртай юм.
Хайргүй: Танд онцгой мэдрэмж төрүүлдэггүй
Түүнтэй хамт байхад ерөөсөө онцгой мэдрэмж авдаггүй, таныг бусадтай харьцуулдаг, хайр мэдрэгддэггүй бол таныг тийм ч их хайрладаггүй гэсэн үг юм.
Хайртай: Түүнд гайхаж цочирдох зүйл хэлсэн ч хэвийн хүлээж авдаг
Хүмүүс бид үргэлж өөрийн гэсэн ичмээр нууцтай байдаг. Харин тэдгээр нууцаа түүнд дэлгэх үед жирийн л хүлээн авж байвал танд үнэхээр их хайртай бололтой. Хайрт нэгнийхээ зөвхөн өөрт таалагдсан хэсгийг бус сайнтай муутай нь хайрлах нь төлөвшсөн хайрын харилцаа юм.
Хайргүй: Танд үргэлж гэм хийчихсэн мэт мэдрэмж төрдөг
Түүнтэй харилцаанд орсноос хойш бүхий л үйлдэл, сонголтууд буруу, г э м хийчихсэн мэт санагдаж эхэлнэ. Юу ч хийж бүтээсэн та хангалтгүй, илүү их хичээх хэрэгтэй байж гэх бодлууд төрж эхэлвэл та яг одоо харилцаандаа цэг тавих хэрэгтэй. Хамтрагчийнхаа алдаа дутагдлыг засах нь зүйтэй ч энэ нь хайр халамжаар засрах ёстой юм.
Хайртай: Өөрийн үйлдэл, зан чанар танд хэрхэн нөлөөлөхийг сайн мэддэг
Бид бүхэн өөрийн гэсэн зан чанартай бөгөөд хэрхэн бусдад түүгээрээ нөлөөлж буйг сайтар ойлгодоггүй. Харин тэр залуу өөрийн үйлдэл, зан чанарыг аль болох засах гэж оролдож, таны урмыг хугалахгүйг хичээж байвал хайртайн илрэл юм. Хэрвээ танд таалагдахгүй зүйл байвал шууд хэлж харилцан ярилцах хэрэгтэй. Тэд бодол уншиж чадахгүй шүү дээ.
Хайргүй: Усанд хаясан чулуу мэт алга болдог
Олон хоногийн өмнө төлөвлөсөн болзооноосоо эцсийн мөчид алга болчихдог. Эсвэл мессеж болон дуудлагандаа хариулах гэж хэдэн цаг, өдрөөр алга болдог. Мэдээж хүн болгон л завгүй байгаа, гэвч тухайн хүн үнэхээр танд сэтгэлтэй л бол хэдхэн минут зарцуулаад хариу илгээх л болно. Түүнд хэрэгтэй үед эсвэл өөрт хэрэгтэй бүхий л зүйлсийг дуусгаж сүүлд нь танд цагийг зарцуулдаг.
