Дутуу нойртой явна гэдэг ирээдүйд асуудал үүсэхийн цондон билээ. Ажлаа сайн хийхгүй, зан араншин өөрчлөгдөх, улмаар өвчин тусах гэх асуудлууд үүсэж эхэлнэ. Харин NASA-гийн сансрын нисгэгчид үүнийг сайн мэддэг учраас хэд хэдэн дүрэм дагадаг байна.
Нэг цагт унтаж, нэг цагт сэрэх
Цагийн хуваарийн дагуу унтаж сурахын тулд утсандаа унтахыг сануулсан сэрүүлэг тавьж нэг цагт унтаж хэвших хэрэгтэй. Ингэснээр өдөржин эрч хүчтэй, эрүүл байх юм. Мөн дээшээ харж хэвтэн, хөлөө хананд хүргээд сунгалтын дасгалыг 10 минутын турш хийж байвал цусны эргэлт сайжирч нойр хүрэх болно.
Буруу амьдралын хэв маягаа болих
Орондоо орохоосоо өмнө хийдэг буруу зуршил нь бидний нойронд нөлөөлж байдаг. Оройн цагаар гүйх, дасгал хийх нь хүний биеийн температурыг ихэсгэж тогтворгүй нойртой болгодог. Сансрын нисгэгчид үүнийг мэддэг учраас унтахаасаа хэдэн цагийн өмнө дасгал хөдөлгөөнөө зохицуулж байдаг. Мөн хүний бие хүнд чанарын хоолыг шингээхийн тулд их хэмжээний хүч зарцуулдаг учраас оройн цагаар иддэггүй байна.
- Хурдан унтахын оройн цагаар гадуур хэдэн цаг салхилж, дасгал хийхгүй, хүнд хоол идэхгүй байх хэрэгтэй. Мөн оройн цагаар кофе ууж болохгүй
Цахилгаан төхөөрөмжөө хязгаартай хэрэглэх
Утас, зурагт, компьютераас ялгардаг цэнхэр гэрэл нь хүний нойронд шууд нөлөөлж байдаг. Цэнхэр гэрэл нь нарны гэрлээс 40%-аар тод учраас мелатонин(нойрны даавар) ялгаруулалтыг багасгадаг. Ингээд шөнө хэдэн ч цагаар утас, компьютер ашигласан нойр хүрдэггүй байна.
Зөв гэрэл сонгох
Хүн сайн унтаж амрахад гэрэл хамгийн чухал үүргийг гүйцэтгэдэг. Тиймээс цэнхэр гэрэл ялгаруулдаг флюресцент гэрлийг шөнө, оройн цагаар ашиглаж болохгүй. Харин шар, улбар шар өнгө ялгаруулдаг чийдэнг ашиглах нь зүйтэй юм.
Унтах орчноо зохицуулах
Унтлагын өрөөнд гэрэл бага орох тусам мелатонин сайн ялгарч, улам нойр хүрдэг. Хэрвээ таны өрөө дуу чимээ, гэрэл ихтэй бол чихээ бөглөж, нүдний даруулга зүүх хэрэгтэй.
Булчин амраах дасгал хийх
Сэтгэл гутрал нь нойронд нөлөөлж байдгийг хүн бүр мэдэх байх. Харин үүнд зориулсан нэгэн дасгал байдаг байна.
- 5 секундийн турш гүн амьсгал удаан авна
- 5 секунд амьсгалаа түгжинэ
- 5 секунд амьсгалаа удаан гаргана
